Plantun de Prouvènço

Pèr coumpara dos planto d'encò nostre

Carex praecox & Scorpiurus subvillosus

Queirello(-proumierenco)

Carex praecox

Cyperaceae

Àutri noum : Moutouso, Sagneto.

Noms en français : Laîche précoce, Laîche de Schreber.

Descripcioun :
Aquesto queirello, proun raro, trachis dins li pelouso sablouso un pau umido, souvènt proche d'aigo. Es uno planto primo souvènti fes torso que fai un rizoumo di proun ramifica. Se recounèis à si pichòtis espigueto que caupon de flour masclo à la baso e femello emé dous estigmate en aut. Lis escaumo soun brunello amé de uno costo pu claro e acabado pèr uno arèsto. Avisas-vous que i'ague un pichot mameloun au bout dis antèro que dèvon faire mens de 2 mm. Coumpara emé la queirello-divisado que ié sèmblo proun.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 30 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Carex
Famiho : Cyperaceae

Ordre : Poales

Coulour de la flour : Brunello
Petalo : ges
Ø (o loungour) enflourejado : 1 à 2,5 cm
Flourido : Printèms

Sòu : Ca
Autour basso e auto : 0 à 1000 m
Aparado : Vo
Abriéu à jun

Liò : Tepiero sablouso - Ribo d'aigo
Estànci : Mesoumediterran
Couroulougi : Érousiberiano-Sud
Ref. sc. : Carex praecox Schreb., 1771

Erbo-de-la-cabro

Scorpiurus subvillosus

Fabaceae Leguminosae

Autre noum : Erbo-de-l'amour.

Noms en français : Chenillette poilue, Scorpiure.

Descripcioun :
L'erbo-de-la-cabro es uno pichoto planto de l'an, primo e un pau rebaladisso, peludo, que fai de flour jauno en courouno de dos à cinq flour. Se recounèis peréu à si fueio entiero, ço qu'èi pulèu rare pèr uno Fabaceae, e subretout à si dóusso torso (en espiralo dins li 3 plan de l'espàci) e di proun espinouso (fotò). Trachis dins li relarg secarous coume la garrigo.

Usanço :
La dóusso èi dicho manjadisso, mai n'en sabèn pas mai. Se manjon peréu li grano.

Port : Erbo
Taio : 10 à 50(80) cm
Fueio : coumpausado
Tipe bioulougico : Teroufite
Cicle bioulougico : Planto de l'an

Gènre : Scorpiurus
Famiho : Fabaceae
Famiho classico : Leguminosae

Coulour de la flour : Jauno
Petalo : irreguliero
Ø (o loungour) flour : 0,8 cm
Flourido : Printèms

Sòu : Ca
Autour basso e auto : Pancaro entresigna
Aparado : Noun
Mai à jun

Liò : Garrigo - Tepiero seco
Estànci : Termoumediterran à Coulinen
Couroulougi : Eurimemediterrano
Ref. sc. : Scorpiurus subvillosus L., 1753 (= Scorpiurus muricatus subsp. subvillosus (L.) Thell., 1919 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Carex praecox & Scorpiurus subvillosus

ges

Coumpara Queirello(-proumierenco) emé uno autro planto

Coumpara Erbo-de-la-cabro emé uno autro planto